فیلمی فیتنه‌ له‌ گۆڕه‌پانی ئه‌مستردام بڵاوده‌کرێته‌وه‌

  بیلال موحه‌ممه‌د، ئاژانسه‌کان

  فیلمی فیتنه‌ که‌ سووکایه‌تیی به‌ قورئانی پیرۆز و ئیسلام ده‌کات بڕیاره‌ له‌نێو گۆڕه‌پانی ئه‌مستردام له‌ هۆڵه‌ندا به‌ (DVD) و (CD) دابه‌شبکرێت به‌سه‌ر هاووڵاتیان و ئه‌و گه‌شتیارانه‌ی روو له‌و شوێنه‌ ده‌که‌ن.

  دوای ئه‌وه‌ی له‌ یه‌کێک له‌ سایته‌کان ماوه‌ی-30-چرکه‌ ئه‌و فیلمه‌ نمایشکرا و ناڕه‌زایی له‌ ته‌واوی ناوه‌نده‌ جیاوازه‌کان به‌رزبۆوه‌ و ره‌خنه‌ی زۆر له‌ وڵاتی هۆڵه‌ندا گیرا له‌سه‌ر پێدانی مافی بڵاوکردنه‌وه‌ی بۆ ئه‌و فیلمه‌. له‌ بڕیارێکی چاوه‌ڕواننه‌کراودا په‌رله‌مانی ئه‌و وڵاته‌ بڕیاری دا به‌ داخستنی ئه‌و سایه‌ته‌ که‌ کۆمپانيایه‌كى ئه‌مريكى له‌ ویلایه‌ته‌ یه‌کگرتووه‌کان کردوویه‌تیه‌وه‌ بۆ په‌خشی ئه‌و فیلمه‌ی که‌ ماوه‌که‌ی له‌-15-خوله‌ک تێناپه‌ڕێت و ره‌خنه‌ له‌ قرئانی پیرۆز ده‌گیرێت.

 له‌ به‌رامبه‌ر ئه‌مه‌شدا (خیرت فیلدرز) که‌ ده‌هێنه‌ر و خاوه‌نی فیلمی فیتنه‌یه‌، ره‌خنه‌ی له‌ بڕیاره‌که‌ی په‌رله‌مانی هۆڵه‌ندا گرت و بڕیاری داوه‌ له‌ کۆتایی ئه‌م مانگه‌دا گه‌ر شکستی هێنا له‌ بڵاوکردنه‌وه‌ی، فیلمه‌که‌ی له‌ گۆڕه‌پانێکی ئه‌مستردام له‌ رێوشوێنێکی ئه‌منیی تونددا خۆی فیلمه‌که‌ بڵاوبکاته‌وه‌ و بێ به‌رامبه‌ر دابه‌شی بکات به‌سه‌ر هاووڵاتیاندا.

سه‌رچاوه‌ : بێستان